Durante os anos téñense visto moitos casos de manipulación de experimentos
científicos para o proveito de determinados intereses. En ocasións, para manipular un
resultado chega con darlle un enfoque engañoso; outras, o propio experimento está sesgado
desde o principio, amañando o proceso para chegar a un determinado resultado. Tamén
existiron moitos experimentos que foron tapados porque non conviña que se coñecesen os
seus resultados.
É vergonzoso que se cometan estes actos, xa que por un lado é moi fácil que a
poboación crea estas informacións fraudulentas, debido á gran credibilidade que se lle dá en
xeral á ciencia; pero ademais porque esta credibilidade pode acabar por perderse se se repiten
en moitas ocasións as mentiras.
Xa que na ciencia xeralmente as respostas son exactas e nunca subxectivas, debería
traballarse para que non influísen nela ningún tipo de forzas externas de manipulación, de
forma que a ciencia se mantivese como unha institución respetable, fiable e obxectiva, porque
esta é a única forma de que realmente poida facer moitos beneficios polo mundo, o que é o
seu único obxectivo.
No hay comentarios:
Publicar un comentario